Трамп Исроилнинг Ғарбий соҳилни аннекcия қилиш қарорига қарши чиқди

"Бундай бўлмайди. Чунки мен Араб давлатларига сўз берганман. Ҳозир буни қилиш мумкин эмас. Биз Араб дунёсидан катта қўллаб-қувватлов олдик", — деди АҚШ президенти.

Оқ уй раҳбари мабодо Исроил бунга ҳаракат қиладиган бўлса, Қўшма Штатлардан олинадиган барча ёрдамни йўқотиши мумкинлигини эслатди.

Аввалроқ, Исроил парламенти (Кнессет) босиб олинган Фаластиннинг Ғарбий соҳил ҳудудига Исроил қонунларини татбиқ этиш тўғрисидаги қонун лойиҳасини дастлабки овоз беришда маъқуллаган эди, бу ҳаракат аннекcия билан тенг деб баҳоланмоқда.