Трамп: "Исроил ва Эрон урушни тўҳтатади"

Исроил ва Эрон жанговар ҳаракатларни тўхтатиш бўйича келишувга эришиши мумкин, аммо бу дарҳол амалга ошмаслиги мумкин.

Бу ҳақда АҚШ президенти Дональд Трамп “Катта еттилик” (Буюк Британия, Германия, Италия, Канада, АҚШ, Франция ва Япония) етакчиларининг саммити бўлиб ўтадиган Канадага учиши олдидан Оқ уйнинг жанубий майсазорида журналистлар саволларига жавоб берар экан, айтиб ўтди.

"Умид қиламанки, Исроил ва Эрон ўртасида келишув бўлади. Менимча, келишув вақти келди", - деди у. "Аммо баъзида жанг қилиш керак бўлади", - дея қўшимча қилди Трамп жангни давом эттириш имкониятини назарда тутиб.

Унинг таъкидлашича, келишувга эришиш учун "барча имконият бор".

Президент Вашингтон Исроилга мудофаа ёрдамини кўрсатишда давом этишига ишонтирди. Трамп яҳудий давлатидан Эронга зарба беришни тўхтатишни сўрагани ҳақидаги саволга жавоб беришдан бош тортди.

Вашингтон маъмурияти раҳбари аввалроқ Эрон ва Исроил ўртасида тез орада тинчлик ўрнатилишига ишонч билдириб, айни вақтда шу мақсадда учрашувлар ва телефон суҳбатлари ўтказилаётганини таъкидлаган эди. У тафсилотларни келтирмади.