АҚШ президенти бундай фикрни Буюк Британиянинг янги бош вазири Энди Бернҳем Шимолий Ирландиянинг Бирлашган Қироллик таркибидан чиқиши бўйича референдум ўтказиш режаси кун тартибида эмаслигини айтганидан икки ҳафта ўтиб янгради.
"Муаммо туғдирмоқчи эмасман, лекин тўғрисини айтсам, мамлакатнинг бирлашишини кўришни жудаям хоҳлардим. Бу эрта-индин барибир содир бўлади", — деди ўзига тегишли курортдаги голф турнири олдидан Ирландия пойтахти Дублинга ташриф буюрган Трамп журналистларга.
"Албатта, Буюк Британиянинг ҳам бу бўйича ўз фикри бўлади. Лекин бу ажойиб иш бўларди деб ўйлайман", — дея қўшимча қилди АҚШ президенти Ирландия бош вазири Михол Мартин билан ёнма-ён ўтирган ҳолда.
1998 йилги “Хайрли жума” келишувига кўра, Шимолий Ирландияда референдум ўтказиш ҳуқуқи Буюк Британия ҳукуматига тегишли. Агар Шимолий Ирландия аҳолисининг кўпчилик қисми Ирландия бирлашиши учун овоз бериши эҳтимоли юқори бўлса, мамлакат сўровнома ўтказишга мажбур.
Бу шартнома бирлашган Ирландияни хоҳловчи ирланд миллатчилари ва Шимолий Ирландиянинг Буюк Британия таркибида қолишини истаган унионистлари ўртасидаги ўн йиллик зиддиятларга чек қўйган эди.
Аҳоли ўртасида ўтказилган сўровномалар Шимолий Ирландиядаги аксарият кўпчилик Буюк Британия таркибида қолишни маъқуллашини кўрсатмоқда. Лекин Британия Европа Иттифоқидан чиққанидан бери бу фарқ бироз қисқарди. Ирландия EИ таркибида қолди. Шимолий Ирландия учун эса оролда қатъий чегара ва савдо тўсиқлари пайдо бўлишининг олдини олиш мақсадида алоҳида келишувлар жорий этилди.
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
Сунъий интеллект қачон "қайтиб бўлмайдиган нуқтага" етиши мумкинлиги маълум бўлди
iPhone 18 Pro тўрт хил рангда тақдим этилди
