Трамп: "Ҳутийлар ортида Эрон турибди"

АҚШ президенти Дональд Трамп Ямандаги ҳутий исёнчи "Ансор Аллоҳ" ҳаракатининг ҳужумлари ортида Эрон турганини айтди.

Бу ҳақда Америка етакчиси Truth Social ижтимоий тармоғида тегишли хабарни жойлаштирган.

"Ҳеч ким сизни алдашига йўл қўйманг! Яманда жойлашган, Яман халқи нафратланадиган ёвуз қароқчилар ва безорилар томонидан амалга оширилган юзлаб ҳужумлар Эрондан келиб чиққан ва Эрон томонидан яратилган. Ҳусийларнинг ҳар қандай ҳужумлари ёки қасослари катта куч билан кутиб олинади ва бу куч шу ерда тўхтаб қолишига кафолат йўқ" - деб ёзди давлат раҳбари.

Трамп Яманнинг “Ансор Аллоҳ” ҳаракатидан ҳутийларнинг барча ҳужумлари учун Вашингтон Теҳронни жавобгарликка тортишини айтди ва Эронни оқибатлари билан таҳдид қилди.

Аввалроқ АҚШ президенти Эрон “ҳар бир ҳаракатни буюради, Яман исёнчиларини қурол-яроғ, маблағ ва юқори технологияли ҳарбий жиҳозлар, шунингдек, разведка маълумотлари билан таъминлайди”, деб таъкидлаган эди: “Бундан буён ҳусийлар томонидан отилган ҳар бир ўқ Эрон қуролидан отилган ўқ деб ҳисобланади, Эрон раҳбарияти томонидан отилган ўқ, Эрон раҳбарияти томонидан отилган ўқ бўлиб, бунинг оқибати оғир бўлади”.