АҚШ вице-президенти Жей Ди Вэнснинг таъкидлашича, агар Дональд Трамп Гренландияни қўлга киритишни хоҳласа, у буни Европа давлатларининг фикрини инобатга олмасдан амалга оширади.
"Дания Гренландияни бошқариш вазифасини уддалай олмаяпти ва яхши иттифоқчилик қилмаяпти. Биз ўзимиздан "Миллий манфаатларимиз учун бу муаммони қандай ҳал қилишимиз мумкин?” дея сўрашимиз керак. Агар Гренландияни қўшиб олиш керак бўлса, демак, президент Трамп бунга эришади. Еропаликларнинг норозиликларга асосланган ҳайқириқлари уни қизиқтирмайди, у фақат Америка манфаатларини ўйлайди", – деди Вэнс.
CBS хабар қилишича, Вэнснинг рафиқаси яқин кунларда АҚШ делегацияси таркибида Гренландияга боради. Шунингдек, делегацияда Трампнинг маслаҳатчиларидан бири Майк Уолц ҳам бор.
Аввалроқ дунё медиасида, Трамп Гренландияни АҚШга қўшиш фикрига жиддий ёндашаётгани ва ҳатто ҳарбий сценарийни ҳам кўриб чиқаётгани ҳақида маълумотлар тарқалган эди. Айни вақтда эса Гренландияда бу ғояга қарши норозилик намойишлари бўлиб ўтмоқда.
Россия ҳарбийлари Украина Қуролли кучларининг қурол заводи ва аэродромига зарба берди
Россия Арманистонга таҳдид қилмоқда: “иккита стул” бўлмайди
Европа Украинага қўшин юбориш фикридан қайтмоқда
