Трамп Гренландияга бостириб кириш режасини тайёрлашни буюрди

Трамп Гренландияга бостириб кириш режасини тайёрлашни буюрди — The Daily Mail.

Бу ғоя Трамп маъмуриятидаги Венесуэладаги муваффақиятли операциядан руҳланган маслаҳатчи Стивен Миллер бошчилигидаги “сиёсий лочинлар” томонидан фаол илгари сурилмоқда, дея қайд этади газета.

Шу билан бирга, президент Доналд Трамп юқори мартабали ҳарбийларнинг қаршилигига дуч келмоқда. Улар бу режанинг ақлга сиғмайдиган ва қонунга зидлигини айтишган.

Манбаларга кўра, генераллар Трампнинг эътиборини бошқа йирик ҳарбий операциялар, жумладан, Россиянинг “соя флоти”ни қўлга олиш ёки Эронга зарба бериш билан чалғитишга ҳаракат қилмоқда.

The Telegraph'нинг манбаларига таяниб хабар беришича, Европа Иттифоқи Гренландия туфайли АҚШга қарши санкциялар ишлаб чиқяпти. Нашр маълумотларига кўра, чекловлар остига Меta, Google ва Microsoft каби АҚШнинг технологик гигантлари тушиши мумкин.