АҚШ Президенти Доналд Трамп барча мамлакат ва компанияларни Эрон нефти ҳамда нефт-кимё маҳсулотларини харид қилишни зудлик билан тўхтатишга чақирди. Унинг таъкидлашича, бу талабга амал қилмаган ҳар қандай давлат ёки шахс “иккиламчи санкциялар”га дуч келади.
Трамп, шунингдек, бундай ҳаракатни амалга оширганларга АҚШ билан “ҳар қандай шаклда ёки кўринишда” бизнес юритиш тақиқланишини таъкидлади.
Бу баёнот АҚШ ва Эрон ўртасидаги ядровий музокараларнинг навбатдаги босқичи мавҳум муддатга кечиктирилгани фонида янгради. Эрон расмийсининг Reuters'га билдиришича, музокараларнинг янги санаси Қўшма Штатларнинг ёндашувига боғлиқ бўлади. У АҚШ томонидан санкциялар қўлланиши дипломатик ечимга етишишга халал бераётганини таъкидлаган.
Эрон Ташқи ишлар вазири Аббос Ароқчи Теҳрон ҳали ҳам ядровий дастур бўйича қарама-қаршиликларни музокаралар орқали ҳал қилиш тарафдори эканини маълум қилган.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
