АҚШ: Россия ҳужжат тайёрлаяпти, Украина бўйича музокаралар энди кечиктирилмайди

Дональд Трамп Владимир Путин билан иложи борича тезроқ учрашишни истайди, деди АҚШ давлат котиби.

Марко Рубионинг сўзларига кўра, ҳозирда учрашув жойи ва санаси масаласи ҳал қилинмоқда.

Рубионинг бошқа баёнотлари:

◾️ Россия Украинада ўт очишни тўхтатишга оид талабларлари акс этувчи ҳужжатни тайёрламоқда;

◾️ Агар Украина бўйича музокараларда олдинга силжиш бўлмаса, АҚШ Конгресси Россияга қарши санкциялар тўғрисида қонун қабул қилиши ҳақида россияликларни огоҳлантирдик;

◾️ Конгресснинг Россияга қарши санкциялар тўғрисидаги қонун лойиҳасини қабул қилиши бу биз тўхтата олмайдиган ва назорат қила олмайдиган жараён;

◾️ АҚШ Украина бўйича охири йўқ музокараларда иштирок этишни истамайди, балки яқин кунларда аниқ натижаларни кўришни хоҳлайди.