Доналд Трамп WSJ ва унинг бош компанияси "News Corp." устидан туҳмат бўйича 10 миллиард долларлик янгиланган даъво аризасини топширди. Бундан бироз аввал суд нашр томонидан "ғаразли ният" бўлганлигига етарли далиллар йўқлиги сабабли дастлабки даъвони рад этган эди.
Можарогa нашрнинг 2025 йил июл ойида чоп этилган мақоласи сабаб бўлган. Унда Трамп 2003 йилда вояга етмаганларни жинсий эксплуатация қилиш ва контрабанда тармоғини ташкил этгани учун судланган молиячи Жеффри Эпштейнга туғилган куни муносабати билан "беҳаё" табрикнома юборгани даъво қилинган.
Янгиланган даъво аризаси журналистлар, WSJ, "Dow Jones" нашриёти, шунингдек, "News Corp." директорлар кенгашининг фахрий раиси Руперт Мердоккага қарши қаратилган. Даъвода таъкидланишича, жавобгарлар ушбу материални ё унинг ёлғон эканлигини билган ҳолда, ёки фактларга мос келмаслиги эҳтимолига умуман эътибор бермасдан чоп этишган.
Хусусан, даъво аризасида "қўпол хатолик"га ишора қилинган: нашр табрикноманинг нима учун учинчи шахс номидан ёзилгани, уни ким чоп этгани ва таҳририят бу хатни қандай қўлга киритганига изоҳ бермаган.
Эрон 57 та мусулмон давлатидан иборат “Ислом NATOси” ни тузишга чақирди
Нетаньяху Қуддусдаги шифохонага ётқизилди
Суперкомпьютер футбол бўйича ЖЧда ким ғолиб бўлишини айтди
