Арманистонни ЕОИИда қолишга ҳеч ким мажбурламайди, бироқ тушунтиришлар зарур

"Арманистонни Евроосиё иқтисодий иттифоқида қолишга ҳеч ким ялиниб-ёлвормайди, бироқ Ереван томонидан тушунтиришлар берилиши зарур", – дейди Песков.

Унинг сўзларига кўра, Ереван иттифоқнинг Остонадаги саммитида ишчи даражада иштирок этади. Кремл вакили Арманистон билан газ бўйича келишувнинг эҳтимолий бекор қилиниши тўғрисидаги масалани "Газпром" компаниясига йўллаш кераклигини таъкидлади.

Песков, шунингдек, Владимир Путин ва Арманистон Бош вазири Никол Пашинян ўртасида яқин орада ўзаро ташрифлар режалаштирилмаганини, чунки улар яқиндагина учрашув ўтказишганини қўшимча қилди.