Трамп: "Энди дунёда учинчи жаҳон уруши бўлмайди"

АҚШ президенти Дональд Трамп сайёрамиз учинчи жаҳон уруши сари интилмаяпти, деди.

Бу ҳақда у америкалик журналист Марк Левинга берган интервьюсида маълум қилди.

Украинадаги можаро ҳақида мулоҳаза юритар экан, у АҚШнинг аввалги президенти Жо Байден даврида вазият янада оғирлашиб бораётганини таъкидлади. "Менимча, бу учинчи жаҳон уруши томон кетаётган эди, лекин энди бу содир бўлмайди. Бу яхши хабар. Энди бу ҳақда ташвишланишга ҳожат йўқ", деди у.

"Кўрамиз, келишув жараёни қандай ривожланади. Лекин у Учинчи жаҳон уруши томон кетаётган эди. Бу ҳарбий можаролар нуқтаи назаридан содир бўлган энг ёмон нарса. Булар Иккинчи жаҳон урушидан бери кузатган энг юқори кўрсаткичлар", - дея қўшимча қилди Трамп.