Трамп ЕИдан норози

АҚШ президенти Доналд Трамп Оқ уйда АҚШ ва ЕИ ўртасидаги савдо алоқалари ҳақида фикр билдириш чоғида шундай баёнот берди.

Америка раҳбари АҚШ ва Хитой ўртасидаги савдо келишувини таъкидлаб, "Европа Иттифоқи кўп жиҳатдан Хитойдан ҳам ёмонроқ", деди.

"Улар сезиларли даражада ён беришади. Кўрасиз. Ҳамма козирлар бизнинг қўлимизда. Улар бизга нисбатан жуда адолатсиз муносабатда бўлишмоқда", дея таъкидлади Трамп.

Оқ уй раҳбари, хусусан, Европа Иттифоқидан АҚШга автомобиллар ва қишлоқ хўжалиги маҳсулотлари етказиб берилишини тилга олди.

Трампнинг Европа товарларига қўйилган божларни бекор қилиш бўйича Вашингтон билан олиб борилган бир неча давр музокараларига қарамай, Европа Иттифоқи ҳали сезиларли натижага эриша олмади. ЙИ АҚШ президентини Европа Иттифоқига қарши жорий этилган ва режалаштирилган тарифларни бекор қилишга ишонтириш учун Америка самолётлари ва автомобиллари экспортига божлар жорий этиш имкониятини кўриб чиқмоқда.