Трамп эҳтимолий ворисларини ошкор қилди: Вэнс ва Рубио орада

АҚШ Президенти Дональд Трамп вице-президент Жей Ди Вэнс ва давлат котиби Марко Рубиони ўзининг эҳтимолий ворислари сифатида тилга олди.

У шу ҳақда NBC News телеканалига берган интервьюсидаги саволга жавобан:

"Бу ҳақда гапиришга ҳали эрта, лекин менинг вице-президентим бор. Жей Ди [Вэнс] ажойиб иш қиляпти", — деди Трамп. "Марко [Рубио] ҳам зўр".e

Шу билан бирга, Трамп Республикачилар партиясида "етакчи бўла оладиган ва олий давлат лавозимига даъвогарлик қилиши мумкин бўлган яхши инсонлар кўп"лигини қўшимча қилди.

Аввалроқ Трамп учинчи марта президентликка сайланиш нияти йўқлигини ва 2028 йили раҳбарликни "идеалда — буюк республикачилардан бирига" топширажагини маълум қилган эди.