Трамп демократия учун урушлардан воз кечди

АҚШ президенти Доналд Трамп Америка армияси энди қурол ишлатадиган бошқа мамлакатларга “демократияни юкламайди” деди. Бу ҳақда у Вест-Пойнт ҳарбий академиясида курсантларга диплом топшириш маросимида сўзлаганида айтиб ўтди.

Унинг сўзларига кўра, қуролли кучларнинг вазифаси сиёсий саргузаштларда қатнашиш эмас, балки мутлақ ҳарбий устунликни таъминлашдир .

"Қўшма Штатлар армиясининг вазифаси дунё бўйлаб демократияни қурол кучи билан ўрнатиш эмас. Уларнинг вазифаси ҳар қандай душманга ҳукмронлик қилиш ва Америкага ҳар қандай таҳдидни исталган вақтда, исталган жойда йўқ қилишдир", деб таъкидлади Трамп.

Унинг сўзларига кўра, америкалик аскарлар ҳамкорлик қилишни истамаган мамлакатларда ўнлаб йиллар давомида "миллат қуриш" "салиб юришлари" га юборилган.

Президент битирувчиларга улар ўзи “қайта қурган” “тарихдаги энг қудратли ва энг буюк армия”нинг бир қисмига айланаётганликларини айтди. У ҳозирги даврни Қўшма Штатлар учун "олтин аср" деб атади.

Трамп узоқ вақтдан бери АҚШнинг Ироқ ва Афғонистонга аралашувини танқид қилиб келади. 2019-йилда у Ироққа бостириб киришни “мамлакат тарихидаги энг ёмон қарор” деб атади ва бу операция Ироқда оммавий қирғин қуроллари борлиги ҳақидаги ёлғон маълумотларга асосланганини таъкидлади.

Трамп Афғонистондаги уруш ҳақида турли йўллар билан гапирган, бироқ 2015-йилда бу уруш ядровий Покистонга яқинлиги туфайли оқланганини айтган.

Бироқ кейинчалик у Жо Байден томонидан уюштирилган қўшинларни олиб чиқиш жараёнини кескин қоралади ва буни “АҚШ тарихидаги энг шармандали давр” деб атади.