Доналд Трамп Барак ва Мишел Обама маймунлар қиёфасида акс эттирилган видеони эълон қилиши ортидан катта можаро авж олди — ОАВ.
АҚШнинг амалдаги президенти Доналд Трамп ўзининг Truth Social ижтимоий тармоғида катта норозилик тўлқинига сабаб бўлган видеони эълон қилди. Сунъий интеллект ёрдамида яратилган ва сайловлар натижалари сохталаштирилгани ҳақидаги даъволарга бағишланган ролик охирида собиқ президент Барак Обама ва унинг рафиқаси Мишел ўрмондаги маймунлар қиёфасида тасвирланган.
Қўшма Штатларда кўпчилик буни ирқчиликка ишора сифатида қабул қилди. Танқидлар нафақат демократлар, балки республикачилар томонидан ҳам билдирилмоқда.
"Трамп Барак ва Мишел Обамани маймунлар қиёфасида акс эттирган ирқчилик руҳидаги видеони эълон қилди. Бунданда пасткашроқ бўлишнинг иложи йўқ", деб баёнот берди Republicans Against Trump гуруҳи.
Ижтимоий тармоқларда, шунингдек, АҚШ президенти қисқа вақт ичида, жумладан ушбу роликни ҳам қўшган ҳолда, кетма-кет ўнлаб ғалати постлар жойлагани муҳокама қилинмоқда. Айрим фойдаланувчилар ҳатто АҚШ Конституциясининг 25-тузатмасини қўллаш масаласини кўриб чиқишга чақирмоқда. Бу тузатма президент лаёқациз деб топилган тақдирда, уни лавозимидан четлатиш имконини беради.
Маълумот учун, Барак Обама 2009—2017 йилларда кетма-кет икки муддат АҚШ президенти лавозимида фаолият юритган. Обама АҚШ тарихида президент этиб сайланган биринчи афро-америкалик инсон ҳисобланади.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
