"Президент ўз фармонлари билан учта йирик компаниянинг фаолиятини чеклади. Трамп, жумладан, ўзининг биринчи президентлиги давомида унинг сиёсатини танқид қилган етакчи юридик фирмалардан бири Paul Weiss'га қарши чора кўрди", дея хабар бермоқда нашр.
Қайд этилишича, ўтган ҳафтада Трамп ўз фармони билан Paul Weiss ходимларини (тахминан 1200 адвокат) давлат сирларига кириш ҳуқуқидан маҳрум қилди, уларнинг федерал биноларга киришини чеклади ва давлат шартномаларини бекор қилишни бошлади.
Кўп ўтмай, Paul Weiss раиси деярли “таслим” бўлди. У Оқ уйга бориб, у ерда уч соат давомида Трамп билан битим тузиш масаласини муҳокама қилди. Натижада президент ўз фармонини бекор қилди. Бунинг эвазига Paul Weiss Трампнинг ташаббусларини қўллаб-қувватлаш учун, жумладан, фахрийларга ёрдам ва антисемитизмга қарши кураш каби лойиҳалар учун, 40 миллион долларлик бепул юридик хизмат кўрсатиш мажбуриятини олди.
"АҚШнинг етакчи юридик фирмаларидан бири ва Трампнинг биринчи президентлик муддати давомида машҳур рақиби бўлган фирманинг таслим бўлиши бизнес дунёсининг чуқур хавотирини акс эттиради. Президентнинг таҳдидлари молиявий ҳалокатга олиб келиши мумкинлигидан қўрқиш кучайди. Бу битим Оқ уйнинг ўзини янада дадил ҳис қилишига ва Трампнинг рақибларига қарши санкцияларни илгари суришига имкон яратиши мумкин. Компания раҳбарларининг айримлари ҳам Paul Weiss “келишув” учун янги нарх белгилаганидан хавотир билдирдилар", деб ёзади WSJ.
Нашр маълумотларига кўра, Трамп маъмурияти аллақачон фаолияти чекланадиган яна 10 дан ортиқ фирмалар рўйхатини тузиб бўлган.
Россия аэропортида ўзбекистонликлар қўлга олинди
Сурхондарёда помидорни шпаклёвкага "айлантиришди"
Россия ҳарбийлари Украина Қуролли кучларининг қурол заводи ва аэродромига зарба берди
