Трамп: АҚШ Венесуэлага қарши урушмоқчи эмас"

Қўшма Штатлар Венесуэла билан уруш қилиш ниятида эмас.

Бу ҳақда АҚШ президенти Дональд Трамп CBS News телеканалига берган интервьюсида маълум қилган.

Журналист Нора О"Доннелл президентдан АҚШ Венесуэла билан уруш бошлаш ниятидами ёки йўқлигини сўради. "Мен бунга шубҳа қиламан. Мен бундай деб ўйламайман", деб жавоб берди Трамп.

У, шунингдек, гиёҳванд моддалар ва миграция муаммоларини тилга олиб, уларни ҳал қилиш учун ҳарбий можаро бошлаш истаги йўқлигини билдирди.

Трамп аввалроқ Венесуэла ҳудудига зарба бериш ҳақида ўйламаслигини таъкидлаган эди. Бироқ, Америка раҳбарининг бу баёнотларидан сўнг, АҚШ Жанубий Америка мамлакати қирғоқларида ўз ҳарбий-денгиз гуруҳининг зарба бериш имкониятларини кучайтираётгани ҳақида хабарлар пайдо бўлди.