АҚШ президенти Доналmд Трамп Венесу'ладан АҚШга гиёҳванд моддаларни олиб ўтмоқчи бўлган наркотик террорчиларига қарши янги "кинетик" зарба берилганини эълон қилди.
Америкалик етакчи бу ҳақда ўзининг Truth Social ижтимоий тармоғида ёзди.
"Зарба Венесуэладан уч нафар тасдиқланган наркотик террорчиси халқаро сувлар орқали ноқонуний гиёҳванд моддаларни олиб ўтаётган пайтда юз берди", — деди Трамп.
Унга кўра, зарба Пентагоннинг жанубий қўмондонлиги томонидан амалга оширилган, америкалик ҳарбий хизматчилардан ҳеч бири жабрланмаган. Гиёҳванд моддалар Қўшма Штатларга кетаётган эди, улар "америкаликларни заҳарлайдиган ҳалокатли қурол", дея қўшимча қилди президент.
Х ижтимоий тармоғидаги Оқ уй саҳифасида денгизда сузаётган қайиқ қандай урилгани акс этган видео эълон қилинди.
"Агар сиз америкаликларни ўлдириши мумкин бўлган гиёҳванд моддаларни ташаётган бўлсангиз, эҳтиёт бўлинг. Биз сизни ов қилмоқдамиз", дейилади постда.
Сентябрь ойи бошида Трамп АҚШ ҳарбийлари халқаро сувларда ўтказган операция давомида Венесуэладаги Tren de Aragua наркокартелининг 11 нафар аъзосини ўлдирганини маълум қилганди.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Ҳудудлар “эртами кечми” барибир Москвага тегишли бўлади
