АҚШ Президенти Дональд Трамп Вашингтон ва Каракас ўртасида «жаҳон тарихидаги энг йирик нефть битими» имзоланганини ҳамда Қўшма Штатлар Венесуэланинг 65 миллиард баррелдан ортиқ тасдиқланган нефть захиралари устидан назоратни қўлга киритганини маълум қилди. Америка етакчиси ўзининг ижтимоий тармоқдаги саҳифасида қолдирган баёнотида мазкур тарихий келишув АҚШ Давлат котиби Марко Рубио ва Мудофаа вазири Пит Хегсетнинг Венесуэла вақтинчалик президенти Дельси Родригес билан олиб борган яқин ҳамкорлиги натижасида амалга ошганини очиқлади.
Дональд Трампнинг сўзларига кўра, АҚШ хусусий сектор билан шериклик орқали Венесуэла нефть захираларининг назорат пакетига эга бўлган ва бу америкалик солиқ тўловчилар учун ҳеч қандай молиявий харажат келтириб чиқармаган. Ушбу битим Қўшма Штатларнинг нефть захирасини икки баравардан кўпроққа оширади, ички бозорда ёнилғи таъминотини яхшилайди ва мамлакатда бензин нархининг сезиларли даражада пасайишига хизмат қилади.
Ўз навбатида, АҚШ Давлат котиби Марко Рубио ушбу лойиҳа Венесуэлага қарийб 100 миллиард доллар миқдорида хусусий инвестициялар олиб келишини, минглаб юқори маошли иш ўринлари яратилишини ва мамлакат иқтисодиётини қайта тиклашга кучли туртки бўлишини таъкидлади. Венесуэла томони эса мазкур келишув 17 та стратегик конни ривожлантиришни кўзда тутишини ва давлат ғазнасига 209 миллиард доллар солиқ тушумлари олиб келишини маълум қилди.
Ҳиндистонда тўрт қўл ва тўрт оёқли чақалоқ туғилди (фото)
"Бу босиб олинган ҳудуд эмас. Бу бизнинг еримиз..."
Киевнинг бир неча ойи қолди
