Футбол мухлислари ФИФАнинг шов-шувга сабаб бўлган қарорини муҳокама қилишмоқда: Фоларин Балогун қизил карточка олганига қарамай, Жаҳон чемпионатининг 1/8 финалида Бельгияга қарши ўйинда майдонга туша олади. Гап шундаки, ФИФА Балогунга нисбатан бир йиллик синов муддати билан шартли дисквалификация қўллашга қарор қилди.
Балогун жиддий қоидабузарлик учун майдондан четлатилгани сабабли, бу қарор кенг муҳокамаларга сабаб бўлди. ФИФАнинг бундай қарор қабул қилишига ташкилот президенти Жанни Инфантино ва АҚШ президенти Дональд Трамп ўртасидаги дўстлик алоқалари сабаб бўлгани ҳақида гап-сўзлар тарқалди. Дарвоқе, Трампнинг ўзи ҳам Балогун билан боғлиқ вазиятга муносабат билдирди.
«Тўғри иш йўлини тутгани ва катта адолатсизликни тузатгани учун ФИФАга раҳмат!», — деб ёзди Трамп ижтимоий тармоқда.
Эслатиб ўтамиз, Жаҳон чемпионати АҚШ, Канада ва Мексика мезбонлигида бўлиб ўтмоқда.
АҚШ Испания футбол терма жамоасидан салкам 13 млн доллар солиқ талаб қилди
Қирғизистон терма жамоаси сардори Ўзбекистон футболининг асосий сирини айтди
ЖЧ-2026 ўйинлари келишилган бўлиши мумкин
