Трамп: "АҚШ тарифлардан йилига 1 триллион доллардан ортиқ даромад олади"

АҚШ президенти Дональд Трамп, у жорий этган импорт тарифлари Қўшма Штатларга йиллик 1 триллион доллардан ортиқ даромад келтиришини айтди.

Америка етакчиси бу ҳақда One America News телеканалига берган интервьюсида айтиб ўтди.

"Тарифлар эндигина ўз мевасини бера бошлади; якунда, тарифлар йилига 1 триллион доллардан ошади", деди у.

23 сентябрь куни БМТ Бош Ассамблеясининг 80-сессиясининг умумий мунозараларида сўзлаган Трамп Вашингтон адолат ва ўзаролик тамойилларига риоя қилинган ҳолда барча давлатлар билан савдо қилишга тайёрлигини таъкидлади. АҚШ президентининг сўзларига кўра, АҚШ маъмурияти кўпчилик мамлакатларга жорий қилган савдо тарифлари ҳимоя механизми ҳисобланади.