Украина президенти Владимир Зеленский россиялик тадбиркорларга қарши санкцияларни узайтирди ва Россиянинг ҳарбий саноати ва нефть секторига янги чекловлар киритди.
Зеленский бу ҳақда ўзининг Telegram-каналида маълум қилди.
Унинг сўзларига кўра, биринчи фармон муддати тугайдиган санкцияларни узайтиради ва россиялик тадбиркорларга тааллуқлидир. Иккинчи фармонда Россия ҳарбий саноати корхоналари, хусусан, учувчисиз самолётлар ва бутловчи қисмлар ишлаб чиқарувчиларга чекловлар жорий этилган.
Учинчи ҳужжат Россия нефть секторига алоқадор шахслар ва компанияларга тегишли, деди Зеленский.
"Шунингдек, биз Европа Иттифоқининг янги санкциялари - 19-пакетни ва Қўшма Штатлардан тегишли чораларни кутмоқдамиз", деди Украина раҳбари.
19 сентябрь куни Еврокомиссия Россияга қарши 19-санкция пакетини тақдим этди. Унда учинчи давлатларга Россия ҳарбий-саноат комплексига кўрсатган ёрдами учун санксиялар, 2027 йилгача Россиядан суюлтирилган газни тақиқлаш, Россия, Ҳиндистон ва Хитойнинг саноат тармоқлари учун қаттиқ экспорт назорати ва бошқа чоралар киради.
Жасмин Туркияда нега қўлга олингани маълум бўлди
"Биз Россиядан кучлироқмиз, нега ундан қўрқишимиз керак?"
Агар доллар Ўзбекистон бозоридан бутунлай чиқиб кетса, нима бўлади?
