Дональд Трамп иккинчи президентлик даврида давлат раҳбарига тегишли барча моддий манфаатлардан воз кечиш ниятида эканини айтди. NBC телеканалига берган интервьюсида у президентлик маошини йилига 400 минг доллар олмаслигини ва умрбод нафақасидан ҳам воз кечишини айтди.
«Мен бир цент ҳам қабул қилмайман. Бу менинг давлат харажатларини камайтиришга қўшган ҳиссамдир», - дея таъкидлади Трамп.
NBC телеканалига берган интервьюсида Трамп ўз иши учун маош олмайдиган биринчи АҚШ президенти бўлиши мумкинлигини айтди – «эҳтимол, Жорж Вашингтондан ташқари».
Аввалроқ, биринчи муддатида Трамп президентлик маошидан воз кечиб, маблағларни хайрия ва турли дастурларга, жумладан, миллий боғларни муҳофаза қилишга йўналтирган эди.
Бундай қадамларга қарамай, Трамп АҚШнинг энг бой одамларидан бири бўлиб қолмоқда. Форбес маълумотларига кўра, унинг бойлиги 2,3 миллиард долларга баҳоланган.
Роналду "Реал"га қайтиши мумкин
Табиат инсондан ўч олмоқда
Дугин: "Православ ва шиа олами биргаликда Дажжолга қарши боради..."
