АҚШ президенти Доналд Трамп 4 июль куни бўлиб ўтадиган АҚШнинг 250 йиллигини нишонлаш учун рамзий ҳаракат сифатида 250 кишини афв этиш имкониятини кўриб чиқмоқда, деб хабар бермоқда The Wall Street Journal (WSJ) манбаларга таяниб.
Режа ҳали ҳам дастлабки муҳокамалар босқичида, Трамп афв этиш учун кўриб чиқаётган аниқ шахслар аниқланмаган, дея аниқлик киритади газета.
Бироқ унинг атрофидаги ходимлар бу ташаббусга қарши чиқмоқда. Улар куздаги оралиқ сайловларга қадар жуда кўп афвлар берилиши ёки умуман афв этилмаслигидан хавотирда эканликларини билдиришди, деб ёзади WSJ.
WSJ нашрининг маълумотларига кўра, Трамп ушбу авф этиш қарорини 14 июн куни эълон қилиши мумкин. Шу санада АҚШда Байроқ куни нишонланади, Трампнинг ўзи эса туғилган кунини нишонлайди, дейилади хабарда.
WSJ таъкидлашича, Трампнинг иккинчи муддат давомида афв этиш ҳуқуқидан фаол фойдаланиши сўровлар сонининг кескин ошишига олиб келган. Ўтган йили уларнинг сони 16 мингдан ошди - бу 1937 йилдан бери рекорд кўрсаткичдир.
Нурмат Отабеков хантавирус бўйича ахборот билан чиқди
МДҲ давлатларида қанча Иккинчи жаҳон уруши қатнашчилари қолган?
Энди Тошкент вилояти йўлларида “Damas” ҳаракати чекланади
