Трамп АҚШ «иқтисодий инқирози»ини башорат қилди

АҚШга Россия ва Хитой эмас, балки мамлакат ичидаги сиёсатчилар таҳдид қилмоқда, деди АҚШнинг собиқ президенти Доналд Трамп.

"Биз учун энг катта таҳдид ташқаридан эмас, балки билиб ёки билмаган ҳолда мамлакатимизни вайрон қилмоқчи бўлган «касал» ва радикал сиёсатчилардан келади. Бу Россия ёки Хитойдан ҳам катта таҳдиддир", деди Трамп Мичигандаги тарафдорлар митингида.

У йиғилганларни 2022 йилги оралиқ сайловларда Конгресс назоратини қайтариб олишга чақирди. Ҳозирча навбатдаги президентлик сайловларида қатнашиш ниятини аниқ билдирмаган Трамп 2024 йил учун республикачиларнинг оптимистик прогнозини берди. “Биз Оқ уйни қайтариб оламиз”, деди сиёсатчи.

2022 йил 8 ноябрда бўлиб ўтадиган оралиқ сайловларда америкаликлар Демократик партия нисбатан кўпчиликни ташкил этган Вакиллар палатасининг барча ўринлари учун номзодларга овоз беради. Конгрессни назорат қилиш Президент Жо Байденга ўз кун тартибини амалга оширишни анча осонлаштиради, аммо унинг ташаббусларини мувофиқлаштиришни қийинлаштиради.

Шунингдек, Трамп АҚШни «иқтисодий инқироз» бўсағасида тургани ҳақида гапирди: "Реал даромадлар пасайиб бормоқда, биз «стагфляция» деб аталмиш «иқтисодий даҳшат» ёқасида турибмиз. Бу нима эканлигини биласизми? Бир вақтнинг ўзида инфляция ва рецессия", деди у митингда.

Унинг сўзларига кўра, Жо Байден бошчилигидаги ҳозирги маъмурият - "радикал демократлар" собиқ раҳбарият томонидан яратилган ҳамма нарсани хавф остига қўймоқда. Трамп иқтисодиётдаги вазиятни “Байденнинг инфляция фалокати” деб атади.