Сурия армияси АҚШ ҳарбий базасини назоратга олди

Сурия армияси Суриянинг Хасака вилоятидаги Америкага тегишли ал-Шадади ҳарбий базаси устидан назоратни ўрнатди.

Бу ҳақда Сурия Араб Республикаси Мудофаа вазирлиги SANA ахборот агентлигига маълум қилди.

Баёнотга кўра, операция "Америка томони билан мувофиқлаштирилгандан сўнг" амалга оширилди.

Ҳарбий база ал-Жабса нефть кони яқинида жойлашган. Ўтган йилнинг апрель ойида АҚШ Сурия Демократик Кучлари (СДФ – ПККнинг Сурия бўлими) назорати остидаги базадан қўшинлар ва ҳарбий техникани босқичма-босқич олиб чиқишни бошлади.