Трамп: "АҚШ фармацевтика маҳсулотларига божлар жорий қилади"

АҚШ маъмурияти импорт қилинадиган фармацевтика маҳсулотларига божхона тўловларини жорий қилмоқчи.

Бу ҳақда АҚШ президенти Дональд Трамп пойтахтда Республикачилар партияси миллий қўмитаси учун маблағ йиғиш тадбирида сўзлаган нутқида айтиб ўтди.

"Биз қилишимиз керак бўлган ишни қиламиз. Биз фармацевтика маҳсулотларига тарифларни жорий қиламиз. Ҳаммадан устунлигимиз шундаки, биз катта бозормиз. Шунинг учун яқин келажакда фармацевтика маҳсулотларига катта тарифлар жорий этилишини эълон қиламиз", - дея таъкидлади Америка раҳбари.

Эслатиб ўтамиз, Трамп 2 апрель куни 185 та давлат ва ҳудуд маҳсулотларига божхона тўловлари жорий этилишини маълум қилган эди. 10 фоизлик универсал тарифлар 5 апрелдан кучга кирди, индивидуал тарифлар 9 апрелдан бошланади.