Трамп 2026 йилда Оқ уйда UFC жанглари ташкил этилишини эълон қилди

АҚШ президентининг сўзларига кўра, бу тадбирга тахминан 6 минг киши ташриф буюради.

UFC раҳбари Дана Уайт эса, ушбу турнир 2026 йил 4 июл куни, Қўшма Штатлар мустақиллигининг 250 йиллиги санасида бўлиб ўтишини маълум қилди.

Бу Оқ уй биринчи марта аралаш жанг санъати майдонига айланадиган ҳолат бўлади.

Тhe Wall Street Journal нашрининг хабар беришича, жанг Оқ уйнинг жанубий қисмидаги майсазорда ўтказилади, матбуот анжумани ва вазн ўлчаш жараёнлари Линколн мемориалида бўлиб ўтади.

"Шоуга минглаб томошабинлар ташриф буюриши кутилмоқда. Конор Макгрегор эса Оқ уйдаги турнирда қатнашиш орқали UFC'га қайтишини маълум қилган", дея ёзмоқда WSJ.