Олмазор туманидаги Қорасарой кўчасининг Абдулла Қодирий кўчасидан Нурафшон кўчаси билан кесишган жойигача бўлган қисми сентябрь ойигача транспорт воситалари учун ёпилди.
Тошкент шаҳар ҳокимлиги матбуот хизматининг хабар беришича, қурилиш-таъмирлаш ишлари олиб борилиши муносабати билан Олмазор туманидаги Қорасарой кўчасида транспорт воситалари ҳаракати вақтинча тўхтатилади.
Маълумотларга кўра, ишларни бажариш муддати шу йилнинг 2 апрелдан сентябрь ойигача белгиланган.
"Вақтинчалик ноқулайликлар учун узр сўраймиз ва ҳайдовчиларга муқобил йўналишлардан фойдаланиб, ўз йўлларини олдиндан режалаштириш тавсия этилади", — дейилади хабарда.
Оилаларга 75 000 000 сўмгача фоизсиз қарз берилади
ТЕЗКОР АХБОРОТ: Ўзбекистоннинг баъзи ҳудудларини сув босиши мумкин
Эндиликда 11,25 млн сўмдан юқори пул ўтказмалари қатъий назоратда бўлади
