Тошкентда тоқ-жуфт тартиби жорий этилади, юк машиналари ҳаракати вақтинча чекланади

Президентнинг экологик вазиятни яхшилашга қаратилган фармонига кўра, пойтахтда транспорт ҳаракати бўйича кескин чекловлар жорий этилмоқда.

Фармонга мувофиқ, махсус комиссия қуйидаги чораларни белгилайди:

Тошкент шаҳрида юк ташувчи автотранспорт воситалари ҳаракати вақтинча чекланади.

Енгил автомобиллар ҳаракати давлат рақамидаги тоқ-жуфт тартиб бўйича бошқарилади.

Яъни, тоқ саналарда рақами тоқ бўлган автомобиллар, жуфт саналарда эса рақами жуфт бўлган автомобиллар ҳаракатланиши мумкин бўлади.

Электромобиллар ушбу тартибдан мустасно.