Тошкентда тез ёрдам машинаси "Spark" билан тўқнашди

Мазкур ҳолат юзасидан Тошкент шаҳар ИИББ ЙҲХБ томонидан терговга қадар суриштирув ишлари олиб борилмоқда.

Тошкент шаҳар ИИББ ЙҲХБ ахборот хизматининг хабар беришича, ҳолат шу йилнинг 13 июнь куни соат 19:45 ларда Янгиҳаёт тумани Қипчоқ -Қурғонтепа кўчалари чорраҳасида содир бўлган.

Маълумотларга кўра, ҳайдовчи 2004 йилда туғилган Э.А. бошқарувидаги "Spark" русумли транспорт воситаси ва 1979 йилда туғилган Д.Ж. бошқарувидаги Форд русумли транспорт воситаси ўзаро тўқнашиши оқибатида йўл-транспорт ҳодисаси содир бўлган.

ЙТҲ натижасида тан жароҳат олганлар йўқ.