Тошкентда Onix, Spark ва юк автомобили иштирокида ЙТҲ содир бўлди

Тошкент вилояти Қибрай туманида Onix, Spark ва юк автомобили иштирокида йўл-транспорт ҳодисаси содир бўлди. Бу ҳақда вилоят Йўл ҳаракати хавфизлиги бошқармаси хабар берди.

Қайд этилишича, бугун, 24 март куни соат 16:30 ларда Тошкент вилояти Қибрай тумани ҳудудидан ўтган D-008 M39 автомобиль йўлининг 813-километрида Onix, Spark ва юк автомобили иштирокида йўл-транспорт ҳодисаси юз берган.

Билдирилишича, йўл-транспорт ҳодисаси оқибатида Onix русумли автомобиль ҳайдовчисига биринчи тиббий ёрдам кўрсатилган. Ҳозирда Қибрай тумани ИИБ Йўл ҳаракати хавфсизлиги хизмати ходимлари томонидан суриштирув ишлари олиб борилмоқда.