Тошкент вилоятида 1 млрд сўмлик табиий газдан ноқонуний фойдаланиш ҳолати аниқланди

«Ўзэнергоинспекция» Тошкент вилояти ҳудудий бошқармаси ва газ таъминоти корхонаси ҳамкорлигида ўтказилган назорат тадбирида Ўрта Чирчиқ туманидаги «O.T.M.» оилавий корхонасига қарашли бинода ўзбошимчалик билан тармоққа уланиб, табиий газдан ноқонуний фойдаланиб келаётганлиги аниқланди.

Ушбу қоидабузарлик натижасида, газ таъминоти корхонасининг дастлабки ҳисоб-китобларига кўра, 1 миллиард 5 миллион сўмлик зарар етказилгани маълум бўлди.

Ҳозирда ҳуқуқни муҳофаза қилувчи органлар томонидан терговга қадар текширув ишлари олиб борилмоқда.