«Тошкент» халқаро аэропорти чегара божхона пости ходимлари томонидан заргарлик буюмларининг ноқонуний олиб ўтилишига чек қўйилди.
Жумладан, қўшни мамлакатга учаётган фуқаронинг юк сумкаси рентген текширувида кўздан кечирилганда, жомадон темир асосига ёпиштирилган сариқ рангли металлдан ясалган лента кўринишидаги буюмлар аниқланди. Уларнинг оғирлиги 350 граммни, қиймати 549 млн. сўмни ташкил қилди.
Яна бир ҳолатда хорижий мамлакатдан юртимизга учиб келиб, яшил йўлак орқали ҳаракатланган шахс текширувдан ўтказилди. Натижада, ушбу фуқаро ички кийими ва пайпоқларига декларацияда кўрсатилмаган умумий қиймати 833 млн сўмлик 710 грамм оғирликдаги заргарлик буюмларини яширганлиги маълум бўлди.
Айни шу рейс билан юртимизга учиб келган яна бир фуқаро шимининг чўнтаги ва пайпоқларига қиймати 907 млн сўмлик 803 грамм заргарлик буюмларини яширганлиги аниқланди.
Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.
Садир Жапаров Қамчибек Ташиевни нега ишдан олганини тушунтирди
Starlinkнинг ўчирилиши фронтдаги вазиятни ўзгартирди
Россия АҚШ таклифини рад этди
