Испаниянинг «Барселона» клуби Чемпионлар лигаси 1/4 финали илк ўйинида «Атлетико»га қарши учрашувдан кейин УЕФАга расмий шикоят йўллаш имкониятини кўриб чиқмоқда.
Журналист Сикве Родригес маълумотига кўра, гап «матрасчилар» ҳимоячиси Марк Пубилнинг ўз жарима майдонида тўпни қўл билан ўйнаган эпизоди ҳақида кетмоқда. «Барселона» ушбу ҳолатда рақиб дарвозасига пенальти белгиланмаганидан норози бўлиб, буни жиддий ҳакамлик хатоси деб ҳисобламоқда.
Каталонияликлар бош мураббийи Ханси Флик ҳам учрашувдан сўнг айнан шу эпизод бўйича норозилигини билдирган. Хабар қилинишича, клубда кейинги қадамларни муҳокама қилиш учун учрашув режалаштирилган.
Эслатиб ўтамиз, ўтган тун «Барселона» ўз майдонида «Атлетико»га 0:2 ҳисобида мағлуб бўлди. Жавоб учрашуви 14 апрелдан 15 апрелга ўтар кечаси Мадридда бўлиб ўтади.
Гари Невилл - Абдуқодир Ҳусанов ҳақида: «Ҳеч қачон бунақасини кўрмаганман»
Гвардиоланинг ёрдамчиси: «Ҳусанов шу қадар тезки...»
Расман: Ўзбекистон терма жамоасига испаниялик мураббий тайинланди
