Косово ҳукумати Тожикистон фуқароси 52 ёшли Ситора Атомамадовани Россия фойдасига жосуслик қилганликда айблаб ҳибсга олди.
Инсидер нашрининг хабар беришича, тожикистонлик аёл Косовода қолиш муддатини узайтириш масаласини ҳал қилиш учун ушбу мамлакат миграция хизматига мурожаат қилган пайтда қўлга олинган. Расмийлар унинг мамлакатда бўлиши «миллий хавфсизликка таҳдид солиши» ва Атомамадованинг Косоводан чиқариб юборилиши мумкинлигини даъво қилмоқда. Ҳозирда асли Тожикистон фуқароси хорижликларни вақтинча сақлаш марказида сақланмоқда.
Хоруғлик Ситора Атомамадованинг яқинлари Ситора Россия фойдасига жосуслик билан шуғулланган деган версияга ишонмасликларини айтишди. Уларнинг сўзларига кўра, Атомамадова сўнгги 15-20 йилдан бери Косовода яшайди ва Россия фуқаролигига эга эмас.
Шунингдек, аёл илгари инглиз тили ўқитувчиси бўлиб ишлагани ва сурункали ўпка касаллигига чалингани маълум қилинган.
Ер юзининг энг гўзал аёли аниқланди
Афғонистон варианти Украина учун мос деб топилди
Франция Россияни 230 миллион евро билан қўллаб-қувватлади
