Бугун 20 ноябрь, 2019 йил, чоршанба

O'ZB

Тожикистон чегарасига ҳужум қилганлар Афғонистондан ўтган ИШИДчилар эмас

Тожикистон чегарасига ҳужум қилганлар Афғонистондан ўтган ИШИДчилар эмас

6 ноябрь куни Тожикистондаги чегара заставасига ҳужум қилган жангарилар афғон-тожик чегарасидан ўтмаган. Бу ҳақда “Независимая газета” Афғонистон куч тизимларидаги мутасаддиларга таянган ҳолда хабар тарқатди.

Афғон мутасаддиларининг айтишича, террорчилар гуруҳининг изини Афғонистондан бошқа жойда излаш керак.

Тожик-ўзбек чегараси яқинидаги “Ишқобод” чегара заставасига ҳужум қилган 20 нафар ниқобли киши ИШИД жангарилари бўлганини Тожикистон миллий хавфсизлик қўмитаси маълум қилди. Расмий маълумотга кўра, жангарилар Тожикистонга қўшни Афғонистондан ўтган. Жангарилар билан тўқнашувда улардан 15 нафари ўлдирилган, 5 нафари қўлга олинган. Бир чегарачи ва бир милиционер ҳалок бўлган.

Бироқ афғонистонлик мутасаддилар жангарилар ўтгани айтилган Қалъаи Зол уезди (Қундуз вилояти)да чегара ҳар икки томондан ҳам яхши қўриқланишини айтган. Уларнинг таъкидлашича, чегарадан йигирма киши тугул бир киши ўтса ҳам, чегарачиларнинг назаридан четда қолмайди. Бундан ташқари, Қалъаи Золдаги чегара участкаси ноқонуний кесиб ўтиш учун жуда ноқулай: нариги томонга ўтиш учун Панж дарёсини кечиб ўтишга тўғри келади. Бу эса йигирма кишилик гуруҳ учун ўта мушкул иш.   

Киритилди: 09:46 08.11.2019. Ўқилди: 4695 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади, ва телефон ракамни тасдиклаш керак булади!