Тожикистон-Қирғизистон чегарасида содир бўлган отишмада жароҳатланганлар сони олти кишига етди.
Ҳаммаси Тожикистон фуқаролари.
Исфара шаҳар марказий клиникаси шифокорлари ярадорларнинг аҳволи оғир эмаслигини маълум қилишди.
КХШТ бош котиби Қирғизистон ва Тожикистон чегарасида зудлик билан ўт очишни тўхтатишга чақирди.
Қирғизистон чегара хизмати Тожикистон билан чегарадаги вазиятни провокация деб ҳисоблайди ва бу вазият олдиндан тайёрланганини даъво қилмоқда.
Тожикистон томони чегарада ўт очишни тўхтатиш талабларини эътиборсиз қолдирмоқда, деб хабар берди Қирғизистон чегара хизмати.
