“Тинчлик режаси”: бир вақтнинг ўзида учта ҳужжат муҳокама қилинади

Зеленский Украина ва унинг иттифоқчилари “тинчлик режаси” доирасида бир вақтнинг ўзида учта ҳужжатни муҳокама қилаётганини билдирди.

"Украина, АҚШ ва Европадаги ҳамкорлар ўт очишни тўхтатиш, хавфсизлик кафолатлари ҳамда урушдан кейинги тикланиш бўйича ҳужжатларни муҳокама қилмоқда", — дея аниқлик киритди Украина президенти.

Унга кўра, 20 банддан иборат ҳужжат мавжуд бўлиб, у доимий равишда ўзгариб туради ва бу нормал ҳолат.

"Бу Украина, Европа ва бутун дунё манфаатларига жавоб бериши керак бўлган жараён", — деди Зеленский.

"Иккинчи ҳужжат — хавфсизлик кафолатларига бағишланган бўлиб, ҳозир ушбу йўналишда иш олиб борилмоқда. Учинчи ҳужжат эса уруш тугагандан кейин Украинани қайта тиклашга бағишланган", — дея қўшимча қилди Украина етакчиси.