"Европанинг юқори марталабали ҳарбий раҳбарлари Россиянинг Украинага босқини қайталанишини олдини олиш учун NATO'нинг Европадаги энг йирик авиабазаси жойлашган Руминияда Қўшма Штатларнинг F-35 қирувчи самолётларини жойлаштириш масаласини муҳокама қилмоқда", деб ёзади газета.
Бу масала АҚШ Қуролли Кучлари штаб бошлиқлари Қўшма қўмитаси раиси Ден Кейннинг Буюк Британия, Германия, Франция, Финляндия ва Италия ҳарбий қўмондонлари билан учрашувида кўтарилган.
Ҳозирда NATO Руминиядаги “Михай Когэлничану” авиабазасидан Қора денгиз устидаги ҳаво ҳудудини патрул қилиш миссияларини олиб бормоқда. Мазкур база Ироқ уруши даврида АҚШ қўшинларининг асосий жойлашув маркази бўлган ва Американинг қирувчи самолётларини жойлаштириш учун энг яхши жой сифатида қаралмоқда.
"Буюк Британия “Хоҳловчилар коалицияси” доирасида Украинанинг ғарбий қисмида Typhoon қирувчи самолётларини ҳамда Украина армиясини ўқитиш учун 3-5 минг нафар ҳарбий хизматчини жойлаштиришни таклиф қилган. Бундан ташқари, Франция, Канада ва Австралия ҳам Украинага ўз қўшинларини юбориши мумкин", дея ёзмоқда Times.
Қишлоқ хўжалиги вазири қўлга олинди
Афғонистон дунё давлатларига мурожаат қилди
Тиббиёт ходимларига «чой пули» тўлашни қонунийлаштириш таклиф этилди
