Ирландиянинг Маълумотларни ҳимоя қилиш комиссияси Хитой компанияси ByteDance’га қарашли TikTok хизматини Европа фойдаланувчиларининг маълумотларини Хитойга узатгани учун 500 миллион евро миқдорида жаримага тортмоқчи. Бу ҳақда Bloomberg агентлиги ўз манбаларига асосланиб хабар берди.
Манба маълумотларига кўра, жарима солиш тўғрисидаги қарор апрель ойи охиригача қабул қилинади. Эҳтимолий санкцияларга сабаб хизмат томонидан Европа Иттифоқининг шахсий маълумотларни ҳимоя қилиш қоидалари бузилганлиги бўйича ўтказилган тергов бўлди.
Таъкидланишича, бу жарима Ирландия назорат органи томонидан белгиланган учинчи энг йирик жарима бўлиши мумкин. Илгари Meta корпорацияси 1,2 миллиард евро, технология гиганти Amazon эса 746 миллион евро миқдорида жаримага тортилганди. ТикТокнинг ўзи ҳам аввалроқ вояга етмаганларнинг шахсий маълумотларини қайта ишлашдаги тахминий қоидабузарликлар учун назорат органидан 345 миллион евро миқдорида жарима олганди.
Ирландия Маълумотларни Ҳимоя Қилиш Комиссияси мунтазам равишда йирик рақамли хизматларни Европа Иттифоқининг махфийлик қоидаларини бузганлиги учун жарима солади. Комиссия Apple, Google, TikTok ва бошқа рақамли гигантларнинг Европадаги бош қароргоҳлари Ирландияда жойлашгани боис уларнинг фаолиятини назорат қилади. Ҳозирги вақтда назорат органи машҳур рақамли компанияларга нисбатан ўнлаб текширувлар олиб бормоқда.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
