Кеча, 3 апрель куни Тошкент шаҳрининг Юнусобод туманида“BYD” машинаси бетон тўсиққа урилиб, ёниб кетди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати маълум қилди.
Қайд этилишича, йўл-транспорт ҳодисаси тунги соат 23:45 ларда Юнусобод тумани ТХАЙ кўчасида юз берган. Шу кўча бўйлаб ҳаракатланиб келаётган “BVD” машинаси ҳайдовчиси руль бошқарувини йўқотиб, йўлни ажратиб турувчи бетон тўсиққа урилган. Бунинг оқибатида машинада ёнғин келиб чиққан.
“Ёнғин туман ФВБ ходимлари томонидан бартараф этилган. ЙТҲ ортидан ҳайдовчига шифокорлар томонидан тиббий ёрдам кўрсатилган”,— дейилади хабарда.
Ҳозирда мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнгин юзага келишининг сабабларига аниқлик киритилмоқда.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
🔴 БАА судидан шов-шувли қарор: ўзбекистонликлар ўлимга ҳукм қилинди!
Чернобил ҳайвонларида кутилмаган суперқобилиятлар аниқланди
