Россия Президентининг махсус вакили ва РФ тўғридан тўғри инвестисиялар жамғармаси раҳбари Кирилл Дмитриев Вашингтонга сафари ортидан бир қатор шов-шувли баёнотлар билан чиқди.
Шунингдек, у Россия кўплаб томонлар ва Қўшма Штатлар ўртасидаги мулоқотни бузишга уринишаётганини таъкидлади.
Кирилл Дмитриевнинг бошқа баёнотлари:
◾️ Трамп маъмурияти конструктив кайфиятда бўлиб, Россия билан мулоқотда ҳурмат билан муносабатда бўлмоқда;
◾️ Украинада ўт очишни тўхтатиш бўйича келишувга эришишда сезиларли силжиш мавжуд;
◾️ Россия ва АҚШ тўғридан-тўғри авиақатновларни тиклаш масаласини муҳокама қилмоқда;
◾️ Трамп маъмурияти Россиянинг позициясини эшитмоқда;
АҚШ компаниялари Европа компаниялари тарк этган Россия бозоридаги бўшлиқларни тўлдиришга тайёр;
◾️ Москва ва Вашингтон ўртасидаги янги музокараларнинг санаси яқин вақт ичида белгиланади;
◾️ Трамп маъмурияти вакиллари билан Арктика ва нодир металларга оид ҳамкорлик муҳокама қилинган;
◾️ Америкалик ҳамкасбларимни Россияга ташриф буюришга таклиф қилдим;
◾️ Россия ва АҚШ ўртасидаги барча зиддиятларни ҳал қилиш учун яна бир қатор учрашувлар керак бўлади;
◾️ Россиянинг Европага ҳужум қилиши мумкинлиги ҳақидаги ғоя – бу аҳмоқона фикр;
◾️ Украинанинг NATO'га аъзо бўлмаслиги ғояси Трамп маъмуриятида, шунингдек бошқа доираларда ҳам кенг қабул қилинган.
Дмитриевнинг таъкидлашича, Доналд Трамп маъмурияти «Россиянинг хавотирларини эшитмоқда ва тушунади». Унинг сўзларига кўра, ҳозирнинг ўзидаёқ «олий даражадаги алоқалар» олиб борилмоқда, АҚШ билан янги музокаралар эса яқин вақт ичида ўтказилиши мумкин.
