Хитойнинг ByteDance компаниясига тегишли TikTok ижтимоий тармоғи контентни мўтадиллаштирадиган ва платформа хавфсизлигини таъминловчи Буюк Британиядаги бўлимида юзлаб ходимларни ишдан бўшатиши мумкин.
Бу ҳақда Financial Times хабар бермоқда.
Ушбу бўлинма ходимлари раҳбариятдан компания бундан буён Лондондан модерация ўтказмаслиги ҳақида хат олдилар. Британия алоқа ходимлари касаба уюшмаси ҳисоб-китобларига кўра, компаниянинг Лондон бўлимида 300 га яқин одам ишлайди ва уларнинг аксарияти ишдан бўшатилиши мумкин.
Модерация қисман арзонроқ ишчи кучи бўлган бошқа мамлакатларга, шу жумладан Дублин ёки Лиссабондаги бўлинмаларга ўтказилади ва қисман сунъий интелект томонидан амалга оширилади.
"Технологик инновациялар, жумладан, йирик тил моделларини ишлаб чиқиш ёндашувимизни ўзгартирмоқда", — дейилади хатда.
Яқинда Буюк Британияда "Онлайн хавфсизлик тўғрисида"ги қонун кучга кирди, жумладан, платформалар фойдаланувчиларнинг ёшини текширишни ва 18 ёшгача бўлган одамлар учун потенциал хавфли контентни чеклашни талаб қилади.
TikTok бу хусусиятни ўтган ой тақдим этди ва компания келажакда ёшни аниқлаш учун фойдаланувчи хатти-ҳаракатларини таҳлил қила оладиган сунъий интелект воситаларидан фойдаланишни режалаштирмоқда.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Ҳудудлар “эртами кечми” барибир Москвага тегишли бўлади
