Тиббий ниқобларни зарарсизлантиришнинг энг осон усули маълум қилинди

АҚШ Касалликларни назорат қилиш ва профилактикаси марказлари мутахассислари қайта ишлатиладиган юз ниқобини зарарсизлантириш бўйича тавсиялар беришди. Аммо қайд этиш керак, ушбу маслаҳатлар бир марталик ниқобларга тааллуқли эмас, дейди Medical Xpress.

Мутахассисларнинг сўзларига қараганда, ниқобни ювиш воситаларидан фойдаланган ҳолда иссиқ сувда ювиш керак. Оддий совун ҳам бунда ёрдам бера олади. Шундан сўнг, ниқоб яхши қуритиш талаб этилади. Энг охирида, ниқобларни ёпиқ сумкага солиб қўйиш керак бўлади.