"The Guardian" журналисти: "Путин режими ҳокимиятда экан, Россияга қайтмайман"

"The Guardian" нашрининг мухбири ва ёзувчиси Люк Хардинг ўқувчиларнинг саволларига жавоб берди. У 2011 йилда Москва аэропортида тўхтатилиб, мамлакатдан депортация қилинган. 2022 йилда эса Россия ташқи ишлар вазирлиги уни тақиқланган шахслар рўйхатига киритган.

The Guardian ёзганидек, Хардинг Владимир Путин режими ҳокимиятда экан ва унинг Украинадаги уруши давом этар экан, Россияга қайтиш нияти йўқлигини билдирган. Журналистнинг сўзларига кўра, Ғарбнинг Александр Литвиненконинг ўлдирилиши каби ҳолатларга "тасаввурсиз ва суст" муносабати Россия раҳбарини жасоратлантирган ва бу бевосита Украинага кенг кўламли босқинни бошлаш қарорига олиб келган.