2023 йил 15 июль куни талабалар ўқишини хорижий ва нодавлат ОТМлардан давлат ОТМларининг мос ҳамда турдош таълим йўналишларига кўчириш бўйича аризаларни қабул қилиш бошланган эди.
Аризалар my.uzbmb.uz сайти орқали 5 август куни 23:59 га қадар онлайн тарзда қабул қилинди ва мазкур муддат давомида 54 260 та ариза келиб тушди.
Бунда аризаси рад этилган талабгорлар учун 5 августдан сўнг ҳам қайта ариза юбориш имконияти берилган бўлиб, қайта ариза юбориш эртага, 10 август куни 12:00 да якунланади.
Аризаси тасдиқланган талабгорлар эса тўловни эртага 10 август 23:59 га қадар амалга ошириш мумкин.
Мазкур муддат давомида тўловни амалга оширмаган талабгорларнинг аризаси инобатга олинмайди ва уларга тест синовида иштирок этишга рухсат берилмайди.
