Тесла Маск ўрнига янги компания раҳбарини изламоқда

Tesla директорлар кенгаши Илон Маскнинг ўрнига янги раҳбар қидиришни бошлади.

Бу ҳақда The Wall Street Journal ёзмоқда ва аввалроқ фойда ва акциялар нархи тушиб кетгани сабабли директорлар кенгаши аъзолари Маскка компанияда ишлаш учун кўпроқ вақт ажратиши кераклигини айтганини таъкидлади.

"Акцияларнинг қулаши ва баъзи инвесторларнинг Илон Маскнинг Оқ уйга эътибор қаратишидан ғазабланганлиги сабабли Tesla директорлар кенгаши Маскнинг ворисини топиш ҳақида жиддий ўйлади," - дейилади нашрда.

Аниқлик киритилишича, улар эҳтимолий раҳбарларни топиш учун аллақачон бир нечта компанияларга мурожаат қилган.