Тайванда йўловчи поезди рельсдан чиқиб кетиб, қулаши оқибатида камида 40 киши ҳалок бўлди ва 61 киши жароҳат олди, деб хабар бермоқда РИА Новости.
Ҳодиса маҳаллий вақт билан соат 9.00 да «Дацин» туннелидаги Хуаялянь округида содир бўлган. Поезд 350 йўловчига мўлжалланган саккизта вагондан иборат эди.
Дастлабки маълумотларга кўра, поезд туннелдаги йўлларни тошлардан тозалаётган ускуналар билан тўқнашган. Натижада иккинчи ва учинчи вагонлар рельсдан чиқиб кетган. Воқеа жойига қутқарувчилар етиб келган.
Дастлабки учта вагондан 60 киши чиқарилган, тўртинчи ва бешинчи вагонлар жиддий шикастланган, қутқарув ишлари олиб борилмоқда. Вагонлар блокланганлиги сабабли 72 киши у ердан чиқа олмаяпти.
Воқеа содир бўлган жойда ҳаёт аломатлари бўлмаган одамлар кўплиги айтилмоқда.
Транспорт вазирлиги ушбу фожеани мамлакатдаги сўнгги 30 йил ичида содир бўлган энг даҳшатлиси деб атади.
Ҳалокатда жабрланганлар зудлик билан касалхоналарга жойлаштирилди.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
