Ташқи кўриниш алдамчи бўлиши мумкин

«Доналд Трамп ўзининг навбатдаги ваколат муддатини тинчликпарвар сифатида бошлашни истайди. Лекин у январь ойида лавозимга киришгунга қадар ҳали кўп нарса бўлиши мумкин», - дейди эксперт Фарзан Сабет.

Сабетнинг айтишича, сўнгги ойларда Эрон ва Исроил ўртасидаги тўғридан-тўғри қарама-қаршиликлар Теҳрон ва Вашингтон ўртасидаги кескинликни ҳам ёмонлаштирган.

«Доналд Трамп президент сифатида Эронга оммавий босим ўтказиш учун кўп имкониятларга эга бўлади», деди Сабет.

«Кейинги санкцияларга қўшимча равишда, бу мақсадли ҳарбий ҳаракатларни ва Исроил ва сунний араб давлатларининг Эронга қарши курашини кучайтиришни ўз ичига олиши мумкин,» - деди у.

«Келаётган маъмуриятнинг ташқи сиёсат ва миллий хавфсизлик гуруҳига музокаралар олиб боришни истамайдиган таниқли анти-Эрон тарафдорлари раҳбарлик қилишлари мумкин», дея қўшимча қилди у, «Президент Трамп билан тўғридан-тўғри музокара ўтказиш учун Эрон раҳбарияти биринчи навбатда бу тўсиқни енгиб ўтишга мажбур бўлади.»